ఘనంగా ఎమ్మెల్యే రాజయ్య పుట్టిన రోజు వేడుకలు

జనగామ జిల్లా స్టేషన్ ఘన్​పూర్ ఎమ్మెల్యే తాటికొండ రాజయ్య పుట్టిన రోజు వేడుకలను ఘనంగా నిర్వహించారు. కార్యకర్తలు, నాయకులు పెద్ద ఎత్తున హాజరై మండల కేంద్రంలో సందడి చేశారు.

జనగామ జిల్లా స్టేషన్ ఘన్​పూర్ ఎమ్మెల్యే తాటికొండ రాజయ్య పుట్టిన రోజు వేడుకలను తెరాస కార్యకర్తలు ఘనంగా నిర్వహించారు. పెద్ద ఎత్తున హాజరైన అభిమానులు, కార్యకర్తల మధ్య ఎమ్మెల్యే రాజయ్య కేక్​ కట్ చేశారు. డప్పు చప్పుళ్ల నడుమ కళాకారులు కోలాటం వేశారు. రోడ్డుపై టపాకాయలు పేల్చి ఎమ్మెల్యేకు పుట్టిన రోజు శుభాకాంక్షలు తెలిపారు.

పుట్టినరోజు సందర్భంగా ఎమ్మెల్యే పంచె కట్టులో మెరిశారు. అంతకుముందు ఉదయం హైదరాబాదులో మంత్రి కేటీఆర్​ను కలిశారు. ఎమ్మెల్యే పుట్టినరోజు సందర్భంగా సీఎం కేసీఆర్, మంత్రులు ఎర్రబెల్లి, సత్యవతి రాఠోడ్ తదితరులు శుభాకాంక్షలు తెలిపారు. అనంతరం ఎమ్మెల్యే క్యాంపు కార్యాలయంలో కుటుంబ సభ్యులతో ఆయన పుట్టిన రోజు వేడుకలను ఘనంగా చేసుకున్నారు.

ఇవీ చూడండి:భార్య, పిల్లలకు విషమిచ్చి.. భర్త ఆత్మహత్య