ఉపాధి హామీ పనులపై ప్రజావేదిక కార్యక్రమం

జాతీయ ఉపాధి హామీ పథకంలో భాగంగా నిర్వహిస్తున్న పనులను సక్రమంగా చేయాలని డీఆర్​డీఓ గూడూరు రామ్​రెడ్డి సూచించారు. ఈ నేపథ్యంలో సామాజిక తనిఖీపై స్టేషన్ ఘనపూర్​లో ప్రజా వేదిక కార్యక్రమం నిర్వహించారు.

జాతీయ ఉపాధి హామీ పథకం ద్వారా గత ఆర్థిక సంవత్సరంలో నిర్వహించిన పనుల పురోగతిపై జనగామ జిల్లా స్టేషన్ ఘనపూర్​లో ప్రజా వేదిక నిర్వహించారు. డీఆర్​డీఓ గూడూరు రామ్​రెడ్డి ఉపాధిహామీ కార్మికులకు 100 రోజులు పనులు కల్పించాలని అన్నారు.

ప్రభుత్వం తాజాగా చేపట్టిన నర్సరీలను విస్తృతంగా నిర్వహించాలన్నారు. ఉపాధి హామీ కార్మికులు అక్రమాలకు పాల్పడితే వారిపై చర్యలు తీసుకుంటామని హెచ్చరించారు. ఈ కార్యక్రమంలో ఎంపీపీ కందుల రేఖ, జడ్పీటీసీ సభ్యుడు మారుపాక రవి, ఎంపీడీఓ కుమారస్వామి, వివిధ గ్రామాల సర్పంచులు, ప్రజా ప్రతినిధులు పాల్గొన్నారు.

ఇదీ చూడండి : మహబూబ్‌నగర్​లో రీపోలింగ్... ఐదుగురి సస్పెన్షన్