రైస్​ మిల్.. మీ ఇంటికే వచ్చేన్...

ఓ ఆలోచన.. రైతుల కష్టాలు తీర్చింది. రోజంతా పడే కష్టాన్ని ఇట్టే పోగొట్టింది. పండించిన ధాన్యాన్ని  బియ్యంగా మార్చేందుకు సమయం ఆదా చేసింది. కాలు బయటపెట్టకుండా.. పని పూర్తి చేసే యంత్రం ఇప్పుడు వారి ఇంటి ముందుకే వస్తోంది.

పండించిన పంటను బియ్యంగా మార్చుకోవడానికి నిత్యం రైస్​మిల్లు వద్ద రైతులు అవస్థలు పడుతున్నారు. వారి వ్యథను చూసిన జగిత్యాల జిల్లా మెట్​పల్లి మండలం మారుతీనగర్​కు చెందిన జక్క సుభాష్... ఓ వినూత్న ఆలోచన చేశాడు. జార్ఖండ్ నుంచి మినీ రైస్ మిల్ యంత్రాన్ని 4లక్షల 80 వేలకు కొనుగోలు చేశాడు.

గంటకు 15 క్వింటాళ్ల ధాన్యం మర...

ఈ మినీరైస్ మిల్ యంత్రం రైతుల ఇంటికే తీసుకెళ్లి.. అక్కడే బియ్యంగా మారుస్తుంది. ఒక్కఫోన్ కాల్ చేస్తే చాలు ఈ మొబైల్ రైస్​మిల్ రైతు ఇంటి వద్దకే వస్తుంది. ఇందుకోసం క్వింటా​కు 150 రూపాయలు ఖర్చవుతుంది. తవుడు వద్దనుకుంటే ఆ ఖర్చూ లేదు. గంటలో 15 క్వింటాళ్ల ధాన్యాన్ని బియ్యంగా మార్చే సత్తా ఈ యంత్రానిది. ఇందుకు అయ్యే ఖర్చు 5 లీటర్లు మాత్రమే. మిల్లు వద్దకు పోయే బాధ తప్పడంతో.. ఈ మినీ రైస్​మిల్​కు ఆదరణ బాగానే ఉంది. ఈ మినీ రైస్​మిల్ ఆలోచన రైతుల కష్టం తీర్చడమే కాదు.. సుభాష్​కు జీవనోపాధిని కల్పించింది.

ఇవీచూడండి: చెల్లెలికి పండగ కానుక... బతుకమ్మ చీర