జగిత్యాల జిల్లాలో గత మూడు రోజులుగా భారీ వర్షాలు కురుస్తున్నాయి. శనివారం నుంచి ఎడతెరిపి లేకుండా కురుస్తున్న వానలతో జిల్లాలోని వాగులు, వంకలు పొంగిపొర్లుతున్నాయి. జగిత్యాల పట్టణంలోని టవర్ సర్కిల్ ప్రాంతంలో రోడ్లన్నీ వర్షం వల్ల జలమయమయ్యాయి. ఆ వైపు వెళ్లాల్సిన వాహనదారుల రాకపోకలకు ఇబ్బందిగా మారింది.
లోతట్టు ప్రాంతాలు జలమయం.. అవస్థల్లో జనం - జిల్లాలో భారీ వర్షం... ఇబ్బందుల్లో లోతట్టు ప్రాంతాల ప్రజలు
గత కొద్ది రోజులుగా కురుస్తున్న భారీ వర్షాల వల్ల జగిత్యాల జిల్లాలో వాగులు, వంకలు పొంగిపొర్లుతున్నాయి. పలు ప్రాంతాల్లో డ్రైనేజీల్లోంచి నీరు బయటకు రాగా.. కలెక్టర్ రవి అధికారులతో టెలికాన్ఫరెన్స్ నిర్వహించి లోతట్టు ప్రాంతాల్లో ప్రజల విషయంలో తీసుకోవాల్సిన పలు జాగ్రత్తలు సూచించారు.
జిల్లాలో భారీ వర్షం... ఇబ్బందుల్లో లోతట్టు ప్రాంతాల ప్రజలు
జిల్లాలోని సార్గమ్మ వీధి, పోచమ్మవాడ ప్రాంతాల్లో డ్రైనేజీలు పొంగిపొర్లతున్నాయి. జిల్లాలో 158.2 మిల్లీమీటర్ల వర్షం కురిసింది. జిల్లా కలెక్టర్ రవి శనివారం టెలికాన్ఫరెన్స్ నిర్వహించి.. అధికారులకు అప్రమత్తంగా ఉండాలని ఆదేశాల జారీ చేశారు. లోతట్టు ప్రాంతాల్లోని ప్రజలను సురక్షిత ప్రాంతాలకు తరలించాలని చెప్పారు.
ఇదీచూడండి: ఇవాళ, రేపు భారీ వర్షాలు..19న మరో అల్పపీడనం