అడవిలో ఉండే నెమలి రోజు గ్రామంలోకి వచ్చి నాట్యం చేస్తే చూపరులకు ఎంత ఆనందమో కదా.. అలాంటి దృశ్యమే జగిత్యాల జిల్లాలో ప్రతి రోజు దర్శనమిస్తోంది. జగిత్యాల జిల్లా బీర్‌పూర్‌ మండలం చిన్న కొలువాయిలో ఓ మయూరం రోజు అడవి నుంచి వచ్చి గ్రామ వీధుల్లో నాట్యం చేసి వెళ్తోంది.
తరచు వస్తున్నా ఆ నెమలితో గ్రామస్థులు కాలక్షేపం చేస్తున్నారు.. మనుషులు దానికి ఎలాంటి ప్రాణహాని తలపెట్టకపోవటంతో రోజు గ్రామంలోకి వచ్చి ఉల్లాసంగా కాసేపు గడిపి అడవులోకి వెళుతున్నట్లు గ్రామస్థులు తెలిపారు. రోజు పురివిప్పే చేసే మయూర నాట్యాన్ని గ్రామస్థులు వారి చరవాణుల్లో బంధించారు.
ఇదీ చదవండి:జడ్చర్ల, అచ్చంపేటలో ఊపందుకోనున్న ప్రచారం