Response: ఈటీవీ భారత్​ కథనానికి స్పందన.. నీటి వృథాను ఆపిన అధికారులు

జగిత్యాల జిల్లా మెట్​పల్లి వద్ద గేట్​వాల్వ్ చెడిపోయి గత 10 రోజులుగా మిషన్ భగీరథ నీరు వృథా అవుతోంది. ఈటీవీ భారత్​లో ఈ అంశంపై వచ్చిన కథనానికి అధికారులు స్పందించారు. మరమ్మతులు చేయించి వృథాను ఆపారు.

జగిత్యాల జిల్లా మెట్​పల్లి వద్ద మిషన్ భగీరథ నీరు వృథా అవుతున్న తీరుపై ఈటీవీ భారత్​లో వచ్చిన కథనానికి అధికారులు స్పందించారు. గురువారం పట్టణంలోని ఫిల్టర్ బెడ్ వద్ద చెడిపోయిన గేటు వాల్వును అధికారులు పరిశీలించారు. సిబ్బందితో మరమ్మతులు చేయించి మంచినీరు మురుగు కాలువలో కలవకుండా చేశారు.

గేట్​వాల్వ్ చెడిపోయి 10 రోజుల పాటు తాగునీరు వృథా అయినప్పటికీ... అధికారులు పట్టించుకోకపోవడం గమనార్హం. 24 గంటలూ 10 రోజుల పాటు తాగునీరు మురుగు కాలువలో కలుస్తున్న అంశంపై ఈటీవీ బారత్ ఓ కథనాన్ని అందించింది. స్పందించిన అధికారులు మరమ్మత్తులు చేయించారు.

ఇదీ చూడండి:రోజు విడిచి రోజు నీరు.. నేటి నుంచి సరఫరా