రెండోరోజూ విజయవంతంగా వెట్​రన్​

కాళేశ్వరం పథకంలో భాగంగా... రాంపూర్ వద్ద నిర్మించిన రివర్స్ పంపులకు బుధవారం రాత్రి నిర్వహించిన వెట్​రన్​ రెండోరోజూ కొనసాగింది. 4 మోటర్లను ఒకేసారి నడిపిన ఇంజనీర్లు... ఎలాంటి ఇబ్బందులు ఎదురుకాకపోవటంతో ఆనందం వ్యక్తం చేశారు.

కాళేశ్వరం పథకం... వరద కాలువపై నిర్మిస్తున్న పునరుజ్జీవ పథకంలో భాగంగా జగిత్యాల జిల్లా మల్యాల మండలం రాంపూర్‌ వద్ద నిర్మించిన రివర్స్‌ పంపింగ్‌ పనుల్లో నిర్వహించిన వెట్​రన్ రెండో రోజు సైతం కొనసాగింది. నాలుగు మోటార్లను ఒకేసారి గంటపాటు నడిపారు. ట్రయల్​రన్​లో రెండోరోజు కూడా ఎలాంటి ఇబ్బందులు ఎదురుకాకపోవడం పట్ల ఇంజినీర్లు ఆనందాన్ని వ్యక్తం చేశారు. రాంపూర్​ వద్ద మొత్తం 8 మోటర్లకు గానూ 5 మోటర్లను ఇంజినీర్లు సిద్ధం చేశారు.

ఇవీ చూడండి : రికార్డు: 73 ఏళ్ల బామ్మకు కవల పిల్లలు