'కష్టపడి పండించిన ధాన్యాన్ని దళారులకు అమ్మకండి'

జగిత్యాల మార్కెట్ యార్డులో మొక్కజొన్న కొనుగోలు కేంద్రాన్ని ఎమ్మెల్యే డాక్టర్​ సంజయ్​కుమార్​ ప్రారంభించారు. కష్టపడి పండించిన మొక్కజొన్నలను దళారులకు అమ్మవద్దని రైతులకు సూచించారు.

మొక్కజొన్న రైతులకు ఇబ్బందులు కలుగొద్దని ప్రభుత్వమే కొనుగోలు చేస్తోందని జగిత్యాల ఎమ్మెల్యే డాక్టర్ సంజయ్ కుమార్ తెలిపారు. జగిత్యాల మార్కెట్ యార్డులో జిల్లా పరిషత్ ఛైర్​పర్సన్ దావ వసంతతో కలిసి మొక్కజొన్న కొనుగోలు కేంద్రాన్ని ఎమ్మెల్యే ప్రారంభించారు.

కష్టపడి పండించిన మొక్కజొన్నలను దళారులకు అమ్మవద్దని రైతులకు సూచించారు. ప్రభుత్వ కొనుగోలు కేంద్రంలో రూ.1850 ధరకు అమ్ముకోవాలని కోరారు. ఈ కార్యక్రమంలో మార్కెట్ యార్డు ఛైర్మన్ దామోదర్ రావు, మున్సిపల్ ఛైర్​పర్సన్ శ్రావణి, అధికారులు పాల్గొన్నారు.

ఇదీ చూడండి: చివరి అంకానికి ప్రచారం... ఏర్పాట్లలో అధికార యంత్రాంగం