పాజిటివ్​ వ్యక్తులను కలిసిన ఎమ్మెల్యే... జిల్లాలో ఇప్పుడిదే చర్చ..!

ఎమ్మెల్యే రవిశంకర్​ జగిత్యాల జిల్లాలో కోవిడ్​ సోకిన వ్యక్తులను కలవడంపై జిల్లాలో చర్చనీయంశంగా మారింది.

కరోనా వైరస్​ అనగానే జనం వణికిపోతున్నారు. కానీ.. జగిత్యాల జిల్లా కేంద్రంలో ప్రభుత్వాసుపత్రిలో కోవిడ్​ సోకిన ముగ్గురు వ్యక్తులను చొప్పదండి ఎమ్మెల్యే సుంకె రవిశంకర్​ కలిసి పరామర్శించారు. ఈ ఘటన ఇప్పుడు చర్చానీయంగా మారింది.

ఇటీవల ముంబయి నుంచి వారి శాంపిళ్లను పరీక్షలకు పంపగా... మల్యాల మండలంలోని భార్యాభర్తలకు, గొల్లపల్లి మండలంలోని మరోవ్యక్తికి వైరస్​ సోకినట్లు అధికారులు వెల్లడించారు. ఆయన నియోజకవర్గంకు చెందిన వ్యక్తులు కావడం వల్ల సమాచారం తెలుసుకున్న ఎమ్మెల్యే తన అనుచరులతో కేవలం మాస్కులు, గ్లౌసులు మాత్రమే ధరించి వారిని కలిశారు. భౌతిక దూరం పాటించినప్పటికీ పాజిటివ్​ వ్యక్తులను కలవడం జిల్లాలో చర్చసాగుతోంది.

ఇదీ చదవండి:ఆర్టీసీలో 6 వేలమంది ఔట్​సోర్సింగ్ ఉద్యోగులు ఔట్​