జగిత్యాలలో ఇంటర్‌ విద్యార్థులకు మాస్కుల పంపిణీ

జగిత్యాలలో ఇంటర్​ విద్యార్థులకు అధికారులు మాస్కులు అందజేశారు. కరోనా వైరస్​ మీద విద్యార్థులకు అవగాహన కల్పించారు.

దుబాయి నుంచి వచ్చిన జగిత్యాల యువకుడికి కరోనా లక్షణాలు కనిపించటం వల్ల జిల్లా అధికారులు అప్రమత్తమయ్యారు. ఇంటర్‌ పరీక్ష రాసే విద్యార్థులకు పలు పరీక్షా కేంద్రాల్లో కోరిన వారికి మాస్క్‌లు అందజేశారు.

పరీక్ష కేంద్రాల్లో మాస్క్‌లు అందజేసి.. కరోనా వైరస్​పై విద్యార్థులకు అవగాహన కల్పించారు. విద్యార్థులందరికీ మాస్క్‌లు ఇచ్చేందుకు సిద్ధంగా ఉన్నామని నోడల్‌ అధికారి నారాయణ తెలిపారు. వైరస్​ నుంచి కాపాడేందుకు తమ వంతుగా పలు కార్యక్రమాలతో ప్రయత్నిస్తున్నామన్నారు. ఈ కార్యక్రమంలో పలువురు అధికారులతో వైద్యసిబ్బంది పాల్గొన్నారు.

ఇవీ చూడండి:మద్యం దొంగలను పట్టించిన సీసీ కెమెరాలు