జగిత్యాల కలెక్టరేట్ ముట్టడికి పిలుపునిచ్చిన రైతుల అరెస్టు

ముత్యంపేట చక్కెర ఫ్యాక్టరీ తెరవాలని డిమాండ్ చేస్తూ జగిత్యాల జిల్లా చెరుకు రైతులు ఛలో కలెక్టరేట్​కు పిలుపునిచ్చారు. ఈ ధర్నాను భగ్నం చేసేందుకు జిల్లా వ్యాప్తంగా రైతు నాయకులను పోలీసులు రాత్రికి రాత్రే అరెస్టు చేశారు.

జగిత్యాల జిల్లాలోని ముత్యంపేట చక్కెర ఫ్యాక్టరీని తెరవాలని డిమాండ్ చేస్తూ చెరుకు రైతులు ఛలో కలెక్టరేట్​కు పిలుపునిచ్చారు. ఈ క్రమంలో భారీ బందోబస్తును ఏర్పాటు చేసిన పోలీసులు ధర్నాను భగ్నం చేసేందుకు ఉపక్రమించారు. జిల్లా వ్యాప్తంగా 150 మంది రైతు నాయకులను రాత్రికి రాత్రే అరెస్టు చేశారు.

తమ నాయకుల్ని అరెస్టు చేసినా.. తామే ముందుడి ఈ ధర్నా కొనసాగిస్తామని రైతులు స్పష్టం చేశారు. ముత్యంపేట చక్కెర ఫ్యాక్టరీ తెరిచే వరకు తమ పోరాటం కొనసాగుతుందని తెలిపారు.

• ఇదీ చదవండి :చారిత్రక 'దండి' సత్యాగ్రహానికి రేపటితో 91 ఏళ్లు