హైదరాబాద్ వలస ఓటర్లపై అభ్యర్థుల ఫోకస్ - ఓటు ఎక్కడ వేస్తారో తెలియక టెన్షన్ టెన్షన్

Hyderabad Candidates Focus on Migrant Voters : తెలంగాణలోని వివిధ ప్రాంతాల నుంచి హైదరాబాద్​లో సెటిల్ అయిన వారు ఓటు వేయడానికి స్వస్థలానికి వెళ్తే ఇక్కడ పార్టీల విజయావకాశలపై ప్రభావం చూపుతుంది అంటున్నారు నగర అభ్యర్థులు. ఇక్కడ స్థిరపడిన వారికి ఇక్కడ ఓటు.. స్వస్థలం నుంచి ఓటు ఉంటే వారు సొంత ఊరుకు ప్రాధాన్యత ఇస్తే ఎలా అంటూ అభ్యుర్థులు ఆందోళన వ్యక్తం చేస్తున్నారు. సొంత ఊళ్లకు వెళ్లకుండా వారితో చర్చలు జరుపుతున్నారు.

Hyderabad Candidates Eye on Migrant Voters : ప్రతి ఒక్కరికి ఓటు హక్కు వినియోగంపై ఇప్పటికేఅవగాహన ఉన్నప్పటికి.. ఆ ఓటును ఎక్కడ వేస్తారన్నదే ఇప్పుడు ప్రశ్నార్థకంగా మారింది. అదేంటి ఓటర్లు తమకు కేటాయించిన పోలింగ్ బుత్​లోనే కదా ఓటు వేసేది అనుకుంటున్నారా.. అక్కడే అసలు ట్విస్ట్ ఉంది. నగరంలో ఎక్కవ మంది వివిధ ప్రాంతాల (Migrant Voters) నుంచి వచ్చి సెటిల్ అయినవారే ఉన్నారు. హైదరాబాద్ నగరం ఎందరికో ఉపాధినిచ్చింది.. ఉండటానికి నీడ నిచ్చింది. నగరంలో ఉంటున్నవారికి దీనిపై ఎంత ప్రేమ ఉన్నా.. స్వస్థలంతో వారికి ఉన్న అనుబంధం వేరె. ఇప్పుడదే ఎన్నికల బరిలో ఉన్న నగర అభ్యర్థుల్లో గుబులు పుట్టిస్తుంది. ఎన్నికల్లో నగరంలో స్వల్ప మెజార్టీలే నమోదవుతున్న వేళ ఇక్కడ ఉన్న ఓటర్లు ఇక్కడే ఉంటారా లేదా స్వస్థలానికి వెళ్లి అక్కడ కూడా ఉన్న ఓటును వినియోగించుకుంటారా అన్న ప్రశ్న ఇప్పుడు చర్చనీయాంశమైంది.

City Outskirts Migrant Voters : ఉప్పల్, ఎల్బీ నగర్, మల్కాజిగిరి, కుత్బుల్లాపూర్​తో పాటు నగరంలోని సగానికి పైగానియోజకవర్గాల్లో నల్గొండ, మహబూబ్‌నగర్‌, వరంగల్‌, జనగామ, సిద్ధిపేట, కరీంనగర్‌ ఇలా తెలంగాణలోని చాలా ప్రాంతాల నుంచి వచ్చి నగరంలో స్థిరపడ్డారు. వీళ్లలో చాలా మందికి సొంత నియోజకవర్గంలోనూ ఓటు హక్కు ఉంది. నగరంలో వీరు నివాసం ఉంటున్న చోటా ఓటరుగా (Telangana Elections 2023) నమోదై ఉన్నారు. వీరికి స్వస్థలంపై మనసు మళ్లితే మా పరిస్థితి ఏంటని నగర అభ్యర్థులు యోచిస్తున్నారు. నగరంలోనే ఓటేసేలా వారిని చూడాలని తగ్గట్టు ప్రచారాలు చేయాలని తమ అనుచరులకు సూచిస్తున్నారు. తప్పకుండా ఇక్కడే ఉండి.. మాకు ఓటు వేయాలని అభ్యర్థులు ప్రచారంలో కోరుతున్నారు.

ప్రతి నియోజక వర్గంలో దాదాపు 20 వేల ఓటర్లు : నగర శివార్లలో ఉన్న నియోజకవర్గాల్లో ప్రస్తుతం 20 వేల మందికి పైగా తెలంగాణలోని వివిధ ప్రాంత్రాల నుంచి వచ్చి స్థిరపడ్డవారే. అయినా వారు ఇక్కడి ఓటర్లు అయ్యి ఉంటారని అభ్యర్థులు అంచనా. వారితో ఇప్పటికే సమావేశాలు ఏర్పాటు చేశామని అభ్యర్థులు చెబుతున్నారు. చాలామంది ఇక్కడే ఉంటామని.. ఓటు నగరంలోన వేస్తామని చెబుతున్నారు. సొంత ఊరిలో ఇళ్లు, పొలాలు ఉన్నవారు వెళ్తే.. అన్ని పార్టీలఅభ్యర్థుల గెలుపోటములపైనాప్రభావం పడుతుందని చెబుతున్నారు. నవంబరు 30న ఒక్క రోజే రాష్ట్ర వ్యాప్తంగా ఓటు హక్కు వినియోగించుకోవాల్సి రావడంతో ఇలాంటి ఇబ్బంది నెలకొంటోంది. చూపుడు వేలుకు సిరా గుర్తు పట్టించేస్తుంది కనుక నగరంలో ఉదయాన్నే ఓటు వేసి స్వస్థలాలవు వెళ్లి అక్కడా ఓటు వేయడానికి కుదరదు. కనుక ఇప్పుడిది హైదరాబాద్​లో ఓ హాట్ టాపిక్​గా మారింది.