ర్యాపిడ్​ టెస్టు కిట్లు లేక వెనుదిరిగిన బాధితులు

జగిత్యాల జిల్లాలో కరోనా నిర్ధరణకు ఉపయోగించే ర్యాపిడ్​ టెస్టు కిట్లు నిండికున్నాయి. ఒక్కో పరీక్ష కేంద్రంలో సుమారు 200కు పైగా టెస్టులు నిర్వహించాల్సి ఉన్నప్పటికీ... కేవలం 50 నుంచి 75 వరకు మాత్రమే నిర్వహిస్తున్నారు.

జగిత్యాల జిల్లాలో కరోనా మహమ్మారి విజృంభిస్తోన్న సమయంలో కొవిడ్​ నిర్దరణకు ఉపయోగించే ర్యాపిడ్​ టెస్టు కిట్లు అందుబాటులో ఉంచాలని... ప్రజలు తెలిపారు. జిల్లావ్యాప్తంగా పరీక్షలు చేయించుకునేందుకు వచ్చి​ కిట్లు లేక దాదాపు వెయ్యి మంది వరకు వెనుతిరిగారు.

ఈ రోజు సాయంత్రానికి జిల్లాకు కిట్లు చేరుకుంటాయని... ఎప్పటిలాగే పరీక్షలు నిర్వహిస్తామని వైద్యాధికారులు వెల్లడించారు. జిల్లాలోని రాయికల్‌ మండల కేంద్రంలో కిట్లు లేకపోవటంతో పరీక్షల కోసం వచ్చిన బాధితులు అధికారులపై అసహనం వ్యక్తం చేశారు.

ఇదీ చదవండి:బ్రేకింగ్ న్యూస్: మంత్రి కేటీఆర్‌కు కరోనా పాజిటివ్