విచారణకు తీసుకొస్తే గొంతు కోసుకున్నాడు...!

2017లో జరిగిన ఓ హత్య కేసులో అనుమానం ఉన్న వ్యక్తిని విచారించేందుకు పోలీస్​స్టేషన్​కు తీసుకొచ్చారు. భయాందోళనకు గురైన అనుమానితుడు... బ్లేడుతో గొంతు కోసుకుని ఆత్మహత్యకు యత్నించాడు. ఈ ఘటన జగిత్యాల జిల్లా మల్యాల సీఐ కార్యాలయంలో జరిగింది.

జగిత్యాల జిల్లా మల్యాల సీఐ కార్యాలయంలో ఓ నిందితుడు ఆత్మహత్యకు యత్నించాడు. 2017లో కొండగట్టు సమీపంలో జరిగిన ఓ హత్య కేసులో కరీంనగర్​ జిల్లా తిమ్మాపూర్​ మండలం కొత్తపల్లికి చెందిన సాగర్​పై పోలీసులకు అనుమానం వచ్చింది. పోలీస్​స్టేషన్​కు సాగర్​ని తీసుకొచ్చి విచారిస్తున్నారు.

ఈ క్రమంలో బాత్​రూంకి వెళ్లొస్తానని చెప్పిన సాగర్​... బ్లేడ్​తో గొంతు కోసుకున్నాడు. గమనించిన పోలీసులు హుటాహుటిన ఆస్పత్రికి తరలించారు. ప్రస్తుతం సాగర్​ ఆరోగ్యం నిలకడగానే ఉందని వైద్యులు వెల్లడించారు. ఈ విషయంపై అదనపు ఎస్పీ దక్షిణామూర్తి, డీఎస్పీ వెంకటరమణ ఆస్పత్రికి చేరుకుని ఆరా తీశారు.

ఇదీ చూడండి:పరిశోధనల దన్ను లేక ప్రగతి మందగమనం