జగిత్యాల జిల్లాలో మరో 44 మందికి కరోనా పాజిటివ్‌గా తేలింది. ఇందులో జిల్లా కేంద్రంలోని వివిధ ప్రాంతాలకు చెందిన 19 మంది ఉండగా మెట్‌పల్లిలో 11, కొడిమ్యాల మండలంలో 5, మల్యాల, కోరుట్లలో రెండు చొప్పున, ధర్మపురి, వెల్గటూరు, మేడిపల్లి, కథలాపూర్‌, ధర్మపురి మండలాల్లో ఒక్కో కేసు నమోదైంది. 44 కేసుల్లో జిల్లాలోని ప్రాథమిక, పట్టణ ఆరోగ్య కేంద్రాల్లో జరిపిన పరీక్షల్లో నిర్ధారించారు.
కొడిమ్యాల మండలంలో బుధవారం ఐదు కరోనా పాజిటివ్‌ కేసులు నిర్ధరణ అయినట్లు మండల వైద్యాధికారి ఎ.శ్రీనివాస్‌ తెలిపారు. స్థానిక ప్రాథమిక ఆరోగ్య కేంద్రంలో 12 మందికి ర్యాపిడ్‌ పరీక్షలు నిర్వహించగా మండల కేంద్రంలో ఇద్దరికి, పూడూర్‌ గ్రామంలో ముగ్గురికి పాజిటివ్‌గా నిర్ధరణ అయినట్లు పేర్కొన్నారు. బుధవారం నమోదైన ఐదు కేసులు కలుపుకుని మండలంలో ఇప్పటి వరకు 19 కేసులు నమోదవగా వీరిలో పదకొండు మంది వైరస్‌ నుంచి బయటపడ్డారు.