కరోనా వైరస్‌ కట్టడిలోభాగంగా లౌక్‌డౌన్‌తో నిలిచిపోయిన ప్రైవేట్ సంస్థల్లో పని చేసే ఉద్యోగులకు పూర్తి స్థాయి వేతనం చెల్లించాలని జగిత్యాల జిల్లా కలెక్టర్ గుగులోతు రవి ఆదేశించారు. జగిత్యాలలో ప్రైవేటు సంస్థల యాజమాన్యాలు, అధికారులతో సమీక్షా సమావేశం నిర్వహించారు. వేతనాలు పూర్తి స్థాయిలో ఇచ్చేలా చర్యలు తీసుకోవాలని ఆదేశించారు.
విద్య, దుకాణాలు, రైస్‌మిల్లలు, మెడికల్‌ ఎజన్సీలు, డిగ్రీ, జూనియర్‌ కళాశాలలు, వివిధ ప్రైవేట్ సంస్థల్లో పని చేసే వారు, గుమాస్తాలు, డ్రైవర్లు, ప్రైవేట్ ఉపాధ్యాయులకు వేతనాలు చెల్లించాలన్నారు. వేతనాలు రాని ఎడల కలెక్టరేట్లో ఏర్పాటుచేసిన టోల్ ఫ్రీ నెంబర్ 1800-4257-620 లేదా 08724 - 222204కు ఫోను చేయవచ్చని సూచించారు. యాజమాన్యం పూర్తి వేతనం ఇవ్వకపోతే చట్టపరమైన చర్యలు తీసుకుంటామని కలెక్టర్ రవి హెచ్చరించారు.