కోకోనట్ గణేశ్... ఈ వినాయకుడు ఎంతో ప్రత్యేకం!

జగిత్యాల జిల్లాలో కొబ్బరికాయలను ఉపయోగించి తయారు చేసిన బొజ్జ గణపయ్య ప్రత్యేక ఆకర్షణగా నిలుస్తున్నాడు.

జగిత్యాల జిల్లాలోని మంచినీళ్ల బావి సమీపంలో కొబ్బరికాయలను ఉపయోగించి వినాయకుడిని తయారు చేశారు. 600 కొబ్బరి కాయలతో, నాలుగు రోజులపాటు శ్రమించి తయారుచేసిన ఈ బొజ్జ గణపయ్య స్థానికంగా ప్రత్యేక ఆకర్షణగా నిలుస్తున్నాడు. అన్ని శుభ కార్యాలకు ఉపయోగించే కొబ్బరికాయతో వినాయకుడిని తయారు చేయాలనే ఆలోచనతో దీనిని తయారు చేసినట్లు యువకులు తెలిపారు. ఈ గణనాథుని చూసేందుకు స్థానికులు ఉత్సాహం చూపిస్తున్నారు.

ఇదీ చూడండి :ద్వారకామాయి వాసునికి భక్తుల నీరాజనాలు