నడిరోడ్డుపైనే గొడ్డలితో నరికి చంపారు

గుర్తుతెలియని దుండగులు ఓ వ్యక్తిని నడిరోడ్డుపైనే కిరతకంగా నరికి చంపిన ఘటన జగిత్యాల జిల్లా మెట్​పల్లిలో జరిగింది. వెంపేట గ్రామానికి చెందిన రాజేందర్​ను దారుణంగా హత్య చేశారు.

జగిత్యాల జిల్లా మెట్​పల్లిలో పట్టపగలే దారుణం జరిగింది. నడి రోడ్డుపైనే ఓవ్యక్తిని... దుండగులు కిరాతకంగా హత్య చేశారు. మెట్​పల్లి మండలం వెంపేటకు చెందిన దనరేకుల రాజేందర్​ను నడిరోడ్డుపై గొడ్డలితో నరికి చంపారు. గ్రామంలో ఉపాధి పనికి వెళ్లిన రాజేందర్​... పని ముగించుకుని ద్విచక్రవాహనంపై వస్తుండగా గొడ్డలితో దాడి చేశారు.

తీవ్రంగా గాయపడిన యువకుడు అక్కడికక్కడే మృతిచెందాడు. ఘటనా స్థలికి చేరుకున్న మెట్​పల్లి పోలీసులు కేసు నమోదు చేసుకుని దర్యాప్తు చేస్తున్నారు. హత్యకు గల కారణాలపై పలు కోణాల్లో విచారిస్తున్నారు. నిందితుల కోసం గాలిస్తున్నారు.

ఇవీ చూడండి:లక్ష్మీపురంలో విషాదం.. కుటుంబాన్ని మింగేసిన చెరువు