మెట్​పల్లిలో కరోనా కలవరం.. ఐదుగురికి వైరస్​

రాష్ట్రంలో మళ్లీ కరోనా కలకలం రేగుతోంది. ఇన్ని రోజులు తగ్గుముఖం పట్టిన కేసుల సంఖ్య.. కొన్ని రోజులుగా పెరుగుతుండటం ఆందోళన కలిగిస్తోంది. తాజాగా జగిత్యాల జిల్లా మెట్​పల్లిలో ఐదుగురికి పాజిటివ్​గా నిర్ధారణ కావటంతో అధికారులు అప్రమత్తమయ్యారు.

జగిత్యాల జిల్లా మెట్​పల్లి పట్టణంలో కొవిడ్​ కేసులు ఆందోళన కలిగిస్తున్నాయి. తాజాగా స్థానిక ప్రభుత్వ ఆసుపత్రిలో 20 మంది కరోనా పరీక్షలు చేయించుకోగా.. హనుమాన్​నగర్, దుబ్బవాడ, మార్కెట్ రోడ్ ప్రాంతాలకు చెందిన ఐదుగురికి పాజిటివ్​గా నిర్ధారణ అయింది.

హైపోక్లోరైట్​ ద్రావణం పిచికారీ చేస్తున్న సిబ్బంది

ఫలితంగా అధికారులు అప్రమత్తమయ్యారు. బాధితుల ఇళ్ల వద్ద పారిశుద్ధ్య కార్మికులతో హైపోక్లోరైట్​ ద్రావణాన్ని పిచికారీ చేయించారు. ప్రజలు జాగ్రత్తగా ఉండాలని, మాస్కులు, భౌతిక దూరం తప్పనిసరి పాటించాలని సూచించారు. గుంపులు గుంపులుగా ఉండరాదని హెచ్చరించారు.