చిక్కీలలో పురుగుల కలకలం.. వీడియో వైరల్

Worms in YSR kits: ఏపీలో ఐసీడీఎస్ ఆధ్వర్యంలో.. అంగన్‌వాడీ కేంద్రాలకు పంపిణీ చేసిన వైఎస్సార్ కిట్లలో.. పురుగులు ప్రత్యక్షమైన సంఘటన వీడియో సామాజిక మాధ్యమాలలో చక్కర్లు కొడుతోంది. స్పందించిన అధికారులు విచారణ ప్రారంభించారు.

Worms in YSR kits: ఆంధ్రప్రదేశ్‌లోని అనంతపురం ఐసీడీఎస్ ఆధ్వర్యంలో అంగన్‌వాడీ కేంద్రాలకు పంపిణీ చేసిన వైఎస్సార్ కిట్లలో పురుగులు ప్రత్యక్షమయ్యాయి. వేరుసెనగ చిక్కీలలో పురుగులు వచ్చిన వీడియో సామాజిక మాధ్యమాల్లో హల్‌చల్ చేస్తోంది. నగరంలోని పాతూరులో ఉన్న రాణినగర్ కేంద్రం నుంచి పంపిణీ చేసిన కిట్లలో ఈ పురుగులు కనిపించాయి.

సమాచారం అందుకున్న అధికారులు.. ఈ కిట్లు పాతవా ? కొత్తవా ? అనే అంశంపై ఆరా తీస్తున్నారు. మరో వైపు రాణినగర్ ప్రాంతంలో.. వైఎస్సార్ కిట్లను రెండు రోజుల క్రితం.. పంపిణీ చేసినట్లు వీడియోలో నజీర్ అనే వ్యక్తి తెలిపారు.

ఇవీ చదవండి: