YS Sharmila on Palamuru project : 'పాలమూరు ప్రాజెక్టుపై బహిరంగ చర్చకు సిద్ధమా.. ?'

YS Sharmila latest comments on Palamuru project : పాలమూరు కన్నీళ్లును చూసి సాగు నీళ్లు ఇచ్చింది వైఎస్​ఆర్​ అయితే.. తట్టెడు మట్టి మోయని కేసీఆర్​ జలకళ తెచ్చినట్లు ప్రచారం చేసుకోవడం హాస్యాస్పదంగా ఉందని వైఎస్సార్​టీపీ పార్టీ అధ్యక్షురాలు వైఎస్​ షర్మిల అన్నారు. తెలంగాణలో 20లక్షల ఎకరాలకు సాగు నీరు ఇచ్చిన ఘనత వైఎస్సార్​ది అని పేర్కొన్నారు. పాలమూరు ప్రాజెక్టుపై గొప్పలు చెప్పుకొనే సీఎం కేసీఆర్​ బహిరంగ చర్చకు సిద్ధమా..? అంటూ ట్విటర్​ వేదికగా సవాల్​ విసిరారు.

YS Sharmila fires on CM KCR on Palamuru project issue : వైఎస్సార్​ జలయజ్ఞం కింద వేసిన పునాదులే.. నేడు కేసీఆర్​ చెబుతున్న 20 లక్షల ఎకరాలకు సాగు నీళ్లు ఇచ్చే ప్రాజెక్టులని వైఎస్సార్​ తెలంగాణ పార్టీ అధ్యక్షురాలు వైఎస్​ షర్మిల అన్నారు. ట్విటర్​ వేదికగా సీఎం కేసీఆర్​పై తన దైన శైలిలో విమర్శలు చేసిన ఆమె.. పాలమూరు కన్నీళ్లను చూసి సాగునీళ్లు ఇచ్చింది వైఎస్​ రాజశేఖర్​ అని చెప్పుకొచ్చారు. ప్రాజెక్టు కోసం తట్టెడు మట్టి మోయని ముఖ్యమంత్రి కేసీఆర్.. తానే జలకళ తెచ్చినట్లు చెప్పుకోవడం హాస్యాస్పదంగా ఉందని ఎద్దేవా చేశారు.

Palamuru project issue : ఎన్నికల వేళ మాయ మాటలు చెప్పే కేసీఆర్ పాలమూరు ప్రాజెక్టులపై బహిరంగ చర్చకు సిద్ధమా ..? అంటూ సవాల్​ విసిరారు. బీడు భూముల్లో కృష్ణా జలాలు పారించిన ఘనత ఎవరిదో చర్చకు రాగలరా..? అని ప్రశ్నించారు. ఈ సందర్బంగా గత ప్రభుత్వ హయంలో తెలంగాణలో నిర్మించిన ప్రాజెక్టుల నిర్మాణాలు గురించి ప్రస్తావించారు. కల్వకుర్తి ద్వారా 4 లక్షల ఎకరాలు, బీమా ప్రాజెక్టు కింద 2 లక్షల ఎకరాలకు, నెట్టెంపాడుతో 2 లక్షల ఎకరాలు, కోయిల్ సాగర్ కింద 60 వేల ఎకరాలు, గట్టు, తుమ్మిల్ల, సంగంబండ ఇలా ఎన్నో ప్రాజెక్టులు వైఎస్సార్​ హయంలో నిర్మించారని చెప్పుకొచ్చారు.

Palamuru project political controversy : బీఆర్​ఎస్​ పాలనలో ఒక్క ఎకరాకు సాగు నీరు ఇచ్చారా..? అని ప్రశ్నించారు. వైఎస్​ హయాంలో మైగ్రేషన్ వద్దని ఇరిగేషన్ చేస్తే.. నేడు ఇరిగేషన్ పక్కన పెట్టి మైగ్రేషన్ వైపే తిరిగి మల్లేలా కేసీఆర్​ పాలన ఉందని మండిపడ్డారు. తెలంగాణ ఏర్పడి తొమ్మిదేళ్లు అయిన వలసలు ఆగడం లేదని ఆరోపించారు. 15 లక్షల మంది పాలమూరు యువతకు ముంబాయి, దుబాయ్​ల్లో కష్టాలు తీరడం లేదని ఆవేదన వ్యక్తం చేశారు. సిద్దిపేట,సిరిసిల్ల, గజ్వేల్ మీద ఉన్న ప్రేమ పాలమూరు మీద ఎందుకు ఉండటం లేదని షర్మిల ప్రశ్నించారు.

త్వరలోనే ప్రాజెక్టు ప్రారంభిస్తాం : ఉమ్మడి మహబూబ్​నగర్​ జిల్లాలో ఉన్న ఈ పాలమూరు ప్రాజెక్టు నిర్మాణం పూర్తియితే రంగారెడ్డి, నల్గొండతో పాటు ఉమ్మడి మహబూబ్​నగర్​ జిల్లాలకు నీటి కష్టాలు తీరనున్నాయి. దీని నిర్మాణ పనులపై సీఎం కేసీఆర్​ సైతం ప్రత్యేక చొరవ తీసుకుంటున్నారు. ప్రాజెక్టు పనులు వేగవంతం జరిగేలా చూడాలని అధికారలను ఆదేశిస్తున్నారు. నూతన సచివాలయం ప్రారంభోత్సవం అనంతరం సచివాలయంలో జరిగిన మొదటి సమీక్షలో ఈ ప్రాజెక్టు పనులపైనే అధికారులను ఆరా తీశారు. ఈనెల మొదటి వారంలో నాగర్​కర్నూల్​ జిల్లాలో పర్యటించిన సీఎం ప్రాజెక్టును త్వరలోనే ప్రారంభిస్తామన్నారు. మరోవైపు మంత్రులు హరీశ్​, కేటీఆర్​ సైతం పాలమూరు ప్రాజెక్టును మరో కొద్ది నెలల్లో ప్రారంభిస్తామని ధీమా వ్యక్తం చేస్తున్నారు.

ఇవీ చదవండి: