విశాఖ జిల్లాలోని అనంతగిరి మండలం తాటిగూడ జలపాతం వద్ద విషాదం జరిగింది. జలపాతం వద్ద సెల్ఫీ తీసుకుంటూ జారిపడిన పువ్వుల రాణాప్రతాప్ (22) అనే యువకుడు బలమైన గాయం తగలడం వల్ల మృతి చెందాడు.
మృతుడు హైదరాబాద్ యూసఫ్గూడ లక్ష్మీనరసింహనగర్ వాసిగా గుర్తించారు. సంఘటన స్థలానికి చేరుకున్న పోలీసులు మృతదేహన్ని ఎస్.కోట ఆస్పత్రికి తరలించారు. జలపాతం చూసేందుకు ఐదుగురు బీటెక్ విద్యార్థులు కారులో విశాఖకు వచ్చినట్లు తెలిసింది.