వెనుక నుంచి ఢీకొట్టిన డీసీఎం.. యువకుడు మృతి

వెనుక నుంచి డీసీఎం ఢీకొట్టడం వల్ల యువకుడు మృతి చెందిన ఘటన అంబర్​పేట్​లో చోటు చేసుకుంది. మార్కెట్​కు నుంచి స్కూటీ మీద ఇంటికి వెళ్తున్న సంతోష్​ అనే యువకుడిని వేగంగా వచ్చిన డీసీఎం వెనక నుంచి ఢీకొట్టడం వల్ల అక్కడికక్కడే ప్రాణాలు వదిలాడు.

అంబర్​పేట్​ విశ్వబ్రాహ్మణ వీధికి చెందిన సంతోష్​ కుమార్​ చారి (29) అనే వ్యకి మార్కెట్​కు వెళ్లి స్కూటీ తిరిగి ఇంటికి వెళ్తున్నాడు. అదే సమయంలో వెనక నుంచి వేగంగా వస్తున్న డీసీఎం సంతోష్​ స్కూటీని ఢీకొట్టింది. అంతటితో ఆగక.. కిందపడిన సంతోష్​ తల మీద నుంచి దూసుకెళ్లింది. భయపడిన డీసీఎం డ్రైవర్​ మహ్మద్​ జిలాని అక్కడి నుంచి పారిపోయేందుకు ప్రయత్నించాడు. ఆ కంగారులో పటేల్​ నగర్​లోని గ్రీన్​లాండ్​ హోటల్​ ముందు మరికొన్ని వాహనాలను ఢీకొట్టాడు.

స్థానికులు జిలానిని పట్టుకొని విచారించగా అంతకు ముందు జరిగిన ప్రమాదం విషయం బయటపడింది. వెంటనే స్థానికులు పోలీసులకు సమాచారం అందించారు. పోలీసులు కేసు నమోదు చేసుకొని.. దర్యాప్తు చేస్తున్నారు.

ఇదీ చదవండి:'గగన్​యాన్'​ కోసం భారత వైద్యులకు ఫ్రాన్స్​ శిక్షణ