రంగోలి ముగ్గులతో వర్క్​షాప్​... ఎస్పీ బాలుకు వినూత్న నివాళి

దిల్​సుఖ్​నగర్​లో ఉన్న క్రియేటివ్ మల్టీమీడియా కాలేజీలో రంగోలి ముగ్గులతో 'ఫొటో క్వాలిటీ చిత్రాన్ని రూపొందించడం ఎలా?' అనే అంశంపై వర్క్​షాప్​ నిర్వహించారు. ప్రముఖ రంగోలి చిత్ర నిపుణుడు ప్రసాద్​ సాహూ అమర గాయకుడు ఎస్పీ బాలు చిత్రాన్ని రియలిస్టిక్​ క్వాలిటీతో రూపొందించి ఆయన వినూత్నంగా నివాళులర్పించారు.

హైదరాబాద్​ దిల్​సుఖ్​నగర్​లో ఉన్న క్రియేటివ్ మల్టీమీడియా కాలేజీలో రంగోలి ముగ్గులతో 'ఫొటో క్వాలిటీ చిత్రాన్ని రూపొందించడం ఎలా?' అనే అంశంపై ఐదు రోజులపాటు వర్క్ షాప్​ను నిర్వహించామని సంస్థ అధ్యక్షుడు రాజశేఖర్ తెలిపారు.

రాయపూర్ నుంచి వచ్చిన ప్రముఖ రంగోలి చిత్ర నిపుణుడు.. అనేక జాతీయ,అంతర్జాతీయ అవార్డులు గెలుచుకున్న ప్రసాద్ సాహూ ఈ వర్క్ షాప్ నిర్వహించారు. రంగు రంగుల ముగ్గులను ఉపయోగిస్తూ ఈయన వేసిన ఫోటో రియలిస్టిక్ చిత్రాలు ఇవి నిజంగా ఫొటోలేమో అనిపించేలా భ్రమింప చేస్తాయి. ఈ వర్క్ షాప్​లో విద్యార్థిని, విద్యార్థులకు ఎంతో సులభంగా అర్థమయ్యేలా నేర్పించడం వారికి ఎంతో ఉపయోగకరమని సంస్థ అధ్యక్షుడు రాజశేఖర్ హర్షం వ్యక్తం చేశారు.

తనకు చిన్నప్పటి నుంచి ముగ్గులపై ఉన్న ఇష్టమే ఈ రంగంలో గొప్ప నైపుణ్యం సాధించేలా చేసిందని ప్రసాద్​ సాహూ తెలిపారు. దాదాపు 15 గంటలు కష్టపడి అమర గాయకుడు ఎస్పీ బాలసుబ్రహ్మణ్యం చిత్రాన్ని రియలిస్టిక్ క్వాలిటీతో రూపొందించడం ఎంతో ఆనందంగా ఉందన్నారు. ఇది ఆయనకిచ్చే నివాళి అని ఆయన అన్నారు. పెద్ద తెరపై లైవ్​లో చూపించడం వల్ల విద్యార్థులకు బాగా అర్థమవుతుందని ప్రసాద్ సాహూ తెలిపారు.

ఇదీ చూడండి: వనస్థలిపురంలో శాటిలైట్​ బస్​ టెర్మినల్​కు రేపు భూమిపూజ