'ప్రజల్లో ప్రభుత్వంపై వ్యతిరేకతతోనే కేసీఆర్ దిగొచ్చారు'

ఆర్టీసీ సమ్మెతో రాష్ట్రంలో పరిస్థితులు చేయిదాటి పోయాయని, ప్రజల్లో వ్యతిరేకత పెరిగి... మున్సిపల్ ఎన్నికలపై ఆ ప్రభావం పడుతుందని ఇంటిలిజెన్స్ నివేదికలు రావడం వల్లనే కేసీఆర్ దిగివచ్చాడని ఎమ్మెల్సీ జీవన్​రెడ్డి ఆరోపించారు.

రాష్ట్రంలో ఆర్టీసీ ఛార్జీల పెంపు నిర్ణయాన్ని తక్షణమే విరమించుకోవాలని, ఆర్టీసీ సంస్థను పరిరక్షించేందుకు ప్రభుత్వం 1000 కోట్ల గ్రాంటును విడుదల చేయాలని ఎమ్మెల్సీ జీవన్​రెడ్డి డిమాండ్ చేశారు. కార్మికుల ఆత్మహత్యలకు కేసీఆర్ బాధ్యత వహించాలని చెప్పారు. చనిపోయిన కార్మికుల కుటుంబ సభ్యులకు ఉద్యోగాల కల్పన వారి హక్కు అని, కేసీఆర్ భిక్ష కాదన్నారు. యూనియన్లను రద్దు చేసే అధికారం కేసీఆర్​కు ఎక్కడిదని, కేంద్ర కార్మిక మంత్రిగా పనిచేసిన ఆయనకు దీనిపై అవగాహన లేదా అని ప్రశ్నించారు.