'మహిళలు ఇంటికే పరిమితం కాకూడదు'

మహిళా దినోత్సవాన్ని పురస్కరించుకొని హైదరాబాద్​, సనత్​నగర్​లో.. శ్రీ మాతా సేవా సమితి ఆధ్వర్యంలో వేడుకలను ఘనంగా నిర్వహించారు. ఈ కార్యక్రమానికి కార్పొరేటర్ లక్ష్మీ బాల్​రెడ్డి హాజరయ్యారు.

మారుతున్న కాలానికి అనుగుణంగా.. మహిళలు, పురుషులతో సమానంగా అన్ని రంగాల్లో తమదైన ముద్ర వేయాలని హైదరాబాద్​​, సనత్​నగర్ కార్పొరేటర్ లక్ష్మీ బాల్​రెడ్డి సూచించారు. మహిళా దినోత్సవాన్ని పురస్కరించుకొని ఆదిత్య నగర్​లోని శ్రీ మాతా సేవా సమితి ఆధ్వర్యంలో నిర్వహించిన వేడుకలకు ఆమె ముఖ్య అతిథిగా హాజరయ్యారు.

స్త్రీలకు.. అన్ని రంగాల్లో రాణించగల శక్తి ఉందన్నారు లక్ష్మీ బాల్​రెడ్డి. మహిళలు ఇంటికే పరిమితం కాకూడదని సూచించారు. వివిధ రంగాల్లో ప్రతిభ కనబర్చిన పలువురిని సేవా సమితి ఆధ్వర్యంలో ఘనంగా సన్మానించి జ్ఞాపికలను అందజేశారు. ఈ కార్యక్రమంలో మహిళలు పెద్ద ఎత్తున పాల్గొన్నారు.

ఇదీ చదవండి:'సురభి వాణీదేవిని అఖండ మెజార్టీతో గెలిపించండి'