అనారోగ్యంతో.. మహిళ ఆత్మహత్య!

ఆరోగ్యం బాగలేక మహిళ ఆత్మహత్య చేసుకున్న ఘటన సికింద్రబాద్​ జవహర్​ నగర్​ పోలీస్​ స్టేషన్​ పరిధిలో చోటు చేసుకుంది. పోలీసులు కేసు నమోదు చేసుకొని దర్యాప్తు చేస్తున్నారు. అనారోగ్య కారణాల వల్ల తీవ్ర మనస్తాపానికి గురై ఆత్మహత్య చేసుకున్నట్టు పోలీసులు తెలిపారు.

సికింద్రాబాద్​ జవహర్​ నగర్​ పోలీస్​ స్టేషన్​ పరిధిలోని జనప్రియ అపార్ట్​మెంట్​లో నివసించే స్వప్న అనే మహిళ ఐదవ అంతస్తు నుంచి దూకి ఆత్మహత్య చేసుకుంది. కౌకూర్​కు చెందిన స్వప్న గత కొద్దికాలంగా బీపీ, షుగర్​, మెదడుకు సంబంధించిన వ్యాధితో బాధపడుతున్నట్టు.. అనారోగ్య కారణాల వల్ల తీవ్ర మనస్తాపానికి గురై అపార్ట్​మెంట్​ పై అంతస్తుకు వెళ్లి ఆత్మహత్య చేసుకున్నట్టు పోలీసులు తెలిపారు.

ఇంట్లో ఎవరూ లేని సమయంలో అపార్ట్​మెంట్​ పై నుంచి దూకినట్లు స్థానికులు చెప్తున్నారు. సంఘటనా స్థలానికి చేరుకున్న జవహర్​ నగర్​ పోలీసులు స్వప్న మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. కేసు నమోదు చేసుకొని.. దర్యాప్తు చేస్తున్నారు.

ఇదీ చూడండి :పిల్లల అమ్మకాలకు ఏజెంట్​ వ్యవస్థ.. 'సృష్టి'oచిన ఆసుపత్రి