'ఈశ్వరి బాయి ప్రజా జీవన ప్రస్థానం యువతకు స్ఫూర్తి కావాలి'

నమ్మిన సిద్ధాంతంతో రాజకీయాల్లో అడుగుపెట్టి.. తనకంటూ ఓ గుర్తింపు తెచ్చుకొని, అందరికీ ఆదర్శంగా నిలిచిన మహిళ ఈశ్వరి బాయి అని ఉప రాష్ట్రప్రతి వెంకయ్య నాయుడు పేర్కొన్నారు. హైదరాబాద్​లోని శిల్పారామంలో ఏర్పాటు చేసిన ఓ కార్యక్రమంలో ఆయన పాల్గొన్నారు.

రాజకీయాల్లో సిద్ధాంత పరంగా నిబద్ధత చాలా ముఖ్యమని... అలాంటి సుగుణంతో ఈశ్వరీబాయి నాలుగు దశాబ్దాలపాటు సాగించిన ప్రజా జీవన ప్రస్థానం యువతకు స్ఫూర్తి కావాలని ఉపరాష్ట్ర పతి వెంకయ్యనాయుడు అన్నారు. హైదరాబాద్​లోని శిల్పారామంలో ఈశ్వరి బాయి మెమోరియల్​ ట్రస్ట్​ ఆధ్వర్యంలో ఏర్పాటు చేసిన కార్యక్రమానికి హిమాచల్​ప్రదేశ్​ గవర్నర్​ బండారు దత్తాత్రేయతో కలిసి ఆయన ముఖ్య అతిథిగా హాజరయ్యారు.

భారత తపాలశాఖ రూపొందించిన ఈశ్వరి బాయి​ పోస్టల్​ స్టాంప్​ను.. వెంకయ్య నాయుడు, ట్రస్ట్ ఛైర్​పర్సన్​ గీతారెడ్డితో కలిసి ఆవిష్కరించారు. నేటి మహిళలు ఈశ్వరి బాయిని ఆదర్శంగా తీసుకోవాలన్నారు. ప్రజల సమస్యలపై అసెంబ్లీలో పోరాడి.. వాటిని పరిష్కరించేలా కృషి చేసిన గొప్ప మహిళ అని గుర్తుచేశారు.

కార్యక్రమంలో ట్రస్ట్​ ఛైర్​పర్సన్​​, కాంగ్రెస్​ నాయకురాలు గీతారెడ్డి, హోమంత్రి మహమూద్​ అలీ, టీపీసీసీ ప్రెసిడెంట్​ ఉత్తమ్​కుమార్​రెడ్డి, కాంగ్రెస్​ నేతలు జానారెడ్డి, భట్టి విక్రమార్క, శ్రీధర్​బాబు, హన్మంతరావు, పోస్టల్​ శాఖ అధికారులు, తదితరులు పాల్గొన్నారు.

ఇదీ చదవండి:మహిళకు పాస్టర్ వేధింపులు.. బాధితురాలికి అండగా కరాటే కల్యాణి