తలాక్ భయంతో ఆత్మహత్యాయత్నం

తలాక్... తలాక్... తలాక్... ఈ మూడు ముక్కలతో బంధాన్ని తెంచుకుంటున్నారు. జీవింతాంతం తోడుగా ఉండాల్సిన భర్తలు... ఈ మాటతో మధ్యలోనే వదిలేస్తున్నారు. భాగ్యనగరంలో ఇలాగే ఓ భర్త వేధింపులు భరించలేక ఆత్మహత్యా చేసుకోబోయింది.

విడాకులు ఇస్తానంటూ నిరంతరం భర్త చేస్తున్న వేధింపులు భరించలేక హుస్సేన్ సాగర్​ లో ఓ మహిళ తన ఇద్దరు పిల్లలతో కలిసి దూకపోయింది. చివరి నిమిషంలో చూసిన స్థానికులు.. వారిని కాపాడి పోలీసులకు అప్పగించారు.

హైదరాబాద్ టోలిచౌకి ప్రాంతానికి చెందిన మహిళ.. తన పిల్లల చేతులకు తాడుతో కట్టేసి, ఆమె నడుముకు కట్టుకుని నీటిలోకి దూకేందుకు యత్నించింది. వారిని లేక్ పోలీస్ స్టేషన్‌కు తరలించగా, కుటుంబ సభ్యులను పిలిపించి కౌన్సిలింగ్‌ ఇచ్చారు. భరోసా కేంద్రానికి పంపించి ఆమెకు న్యాయం చేస్తామని సీఐ ధనలక్ష్మీ తెలిపారు.