గ్యాస్ సిలిండర్​ లీక్... మహిళకు గాయాలు

హైదరాబాద్​ చందానగర్ పోలీస్ స్టేషన్ పరిధిలో ఓ ఇంట్లో గ్యాస్ సిలిండర్​ లీకైంది. ఈ ఘటనలో ఒకరికి గాయాలయ్యాయి. అగ్నిమాపక సిబ్బంది మంటలను అదుపులోకి తీసుకొచ్చారు.

హైదరాబాద్​ చందానగర్ పోలీస్ స్టేషన్ పరిధి కైలాశ్​నగర్ కాలనీలో ఓ ఇంట్లో గ్యాస్ సిలిండర్ లీకై మంటలు చెలరేగాయి. మంటలు ఆర్పేందుకు ప్రయత్నించిన గృహిణి సుజితకు గాయాలయ్యాయి. స్థానికుల సమాచారంతో అగ్నిమాపక సిబ్బంది హుటాహుటిన తరలివచ్చి పరిస్థితిని అదుపులోకి తీసుకొచ్చారు.

గాయపడిన సుజితను సమీపంలోని ఆసుపత్రికి తరలించి చికిత్స అందిస్తున్నారు. చందానగర్ పోలీసులు కేసు నమోదు చేసి దర్యాప్తు చేస్తున్నారు.

ఇదీ చదవండి:భర్త వైద్యం కోసం.. కొడుకునే తాకట్టు పెట్టిన తల్లి