హైదరాబాద్​లో వీవర్క్​ కో-వర్కింగ్​ స్పేస్​ కార్యాలయాలు

హైదరాబాద్​లో ప్రారంభించిన వీవర్క్ కో-వర్కింగ్​ స్పేస్.. నూతన ఆవిష్కరణలకు మంచి చేయుతనిస్తుందని​ ఐటీ, పరిశ్రమల శాఖ ప్రధాన కార్యదర్శి జయేశ్​ రంజన్​ అన్నారు. వీవర్క్ సంస్థ తన కో-వర్కింగ్​ స్పేస్​లను భాగ్యనగరంలో ప్రారంభించింది. హైటెక్​ సిటీ, నానక్​ రామ్​ గూడలో వేల చదరపు అడుగుల విస్తీర్ణంలో కార్యాలయాలు అందుబాటులోకి తెచ్చారు. ​

ప్రపంచంలోనే అతిపెద్ద సంస్థ ‘వీవర్క్’ హైదరాబాద్​లో తన కో-వర్కింగ్ స్పేస్​లను ప్రారంభించింది. ఈ కార్యక్రమానికి ఐటీ, పరిశ్రమల శాఖ ప్రధాన కార్యదర్శి జయేశ్ రంజన్ ముఖ్య అతిథిగా హాజరయ్యారు. హైటెక్ సిటీలో 4వేల మందికి సరిపడే విధంగా 1.3 లక్షల చదరపు అడుగల విస్తీర్ణంలో కార్యాలయం.. నానాక్ రామ్ గూడలో 3 వేల మందికి సరిపడే విధంగా 70వేల చదరపు అడుగుల విస్తీర్ణంలో కో-వర్కింగ్ స్పేస్​ను అందుబాటులోకి తెచ్చింది.

ఒకే సారి ఇంత విస్తీర్ణం ప్రారంభించటం భారతదేశంలో ఇదే మొదటిసారని ఆ సంస్థ ఇండియా కో-సీఈఓ ర్యాన్ బెనెట్ అన్నారు. హైదరాబాద్​లో ఆఫీస్ స్పేస్ వినియోగం భారీ స్థాయిలో పెరుగుతోన్న దృష్ట్యా ఇక్కడ వృద్ధిపై మంచి అంచనాలున్నాయన్నారు. కార్పొరేట్​ కంపెనీలతో పాటు అంకురాలు ఒకే దగ్గర కార్యాకలాపాలు నిర్వహించటం వల్ల ఇన్నోవేషన్​కు మంచి చేయూతనిస్తుందని జయేశ్ రంజన్ అన్నారు.

ఇవీ చూడండి:రేపే జీఎస్టీ మండలి 38వ సమావేశం.. అంచనాలు ఇవే!