'ప్రతిగింజనూ కొంటాం.. రైతులకు అండగా ఉంటాం'

రాష్ట్రంలో హమాలీల సమస్య తీర్చేందుకు చర్యలు తీసుకుంటామని మంత్రి వేముల ప్రశాంత్​రెడ్డి పేర్కొన్నారు. రైతులకు నష్టం కలగకుండా ధాన్యం సేకరించాలని అధికారులను ఆదేశించారు.

రైతులకు నష్టం కలగకుండా ధాన్యం సేకరించాలని రోడ్లు, భవనాల శాఖ మంత్రి వేముల ప్రశాంత్‌రెడ్డి అధికారులను ఆదేశించారు. రాష్ట్రవ్యాప్తంగా ఇప్పటికే సుమారు 2 లక్షల 19 వేల మెట్రిక్ టన్నుల ధాన్యం కొనుగోలు చేశామని మంత్రి తెలిపారు. సేకరించిన ధాన్యంలో 93 శాతం రైస్​ మిల్లులకు పంపించామన్నారు.

హమాలీల సమస్య తీర్చేందుకు చర్యలు తీసుకుంటామని మంత్రి పేర్కొన్నారు. రైస్ మిల్లర్లు ధాన్యంలో తరుగు తీస్తే కఠిన చర్యలు తీసుకుంటామని హెచ్చరించారు. తరుగు తీసుకునే రైస్​ మిల్లులను సీజ్ చేయాలని అధికారులను ఆదేశించారు. ధాన్యం సేకరణలో నిజామాబాద్ జిల్లా నంబర్​ వన్ స్థానంలో ఉందని తెలిపారు.

ఇవీచూడండి:దేశవ్యాప్తంగా 24 గంటల్లో 2,411 మందికి వైరస్