యూనివర్సిటీ ఆఫ్​ బోల్టన్​తో వీ-హబ్​ భాగస్వామ్యం

యూకేకు చెందిన టాప్ విద్యాసంస్థల్లో ఒకటైన యూనివర్సిటీ ఆఫ్ బోల్టన్​తో వీ-హబ్​ చేతులు కలిపింది. స్టార్టప్​లు యూకేలో మార్కెట్ విస్తరణ, వ్యాపార నిర్వహణ కోసం రెండేళ్లకు ఒప్పందం కుదుర్చుకుంది.

తెలంగాణ మహిళా స్టార్టప్ ఇంక్యుబేటర్ వీ-హబ్.. యూకేకు చెందిన టాప్ విద్యాసంస్థల్లో ఒకటైన యూనివర్సిటీ ఆఫ్ బోల్టన్​తో చేతులు కలిపింది. రెండేళ్ల ఈ ఒప్పంద భాగస్వామ్యం ద్వారా వీ-హబ్​కు చెందిన స్టార్టప్​లు యూకేలో మార్కెట్ విస్తరణ, వ్యాపార నిర్వహణకు దోహదం చేయనుంది.

యూకేకు చెందిన మంత్రి లార్డ్ తారిఖ్ అహ్మద్ వీ-హబ్​ను సందర్శించిన సందర్భంగా ఈ మేరకు ఒప్పందం కుదిరింది. ఈ ఒప్పందం మహిళా స్టార్టప్​లు ప్రపంచ దేశాల్లో విస్తరించేందుకు రోడ్ మ్యాప్​లా నిలుస్తుందని, ఇంటర్నేషనల్ మార్కెట్లలో స్టార్టప్​ల అవకాశాలను విస్తరిస్తుందని వీ-హబ్ సీఈవో దీప్తి రావుల వివరించారు.

ఇదీ చూడండి :కరోనా 2.0: ఆ నగరంలో బస్సులు బంద్