హిమాయత్ సాగర్​లో పెరుగుతున్న నీటిమట్టం

జంట నగరాలకు తాగునీటిని అందించే హిమాయత్ సాగర్ ప్రాజెక్టులో నీటిమట్టం పెరుగుతోంది. జలాశయంలో ఇంకో 3.5 అడుగుల నీరు చేరితే నిండుకుండలా మారనుంది. ఈ నేపథ్యంలో అధికారులు గేట్లు ఎత్తే అవకాశం ఉంది.

హైదరాబాద్ జంట నగరాలకు తాగునీటిని అందించే హిమాయత్ జలాశయంలో నీటి నిల్వలు క్రమేణా పెరుగుతున్నాయి. శివారు ప్రాంతాల్లో ఇటీవల కురిసిన వర్షాలకు వరద నీరు వచ్చి చేరుతోంది. హిమాయత్ సాగర్​లో నీటిమట్టం 1,763.5 అడుగులుగా ఉంది. ఇంకా 3.5 అడుగులు అయితే జలాశయం పూర్తిస్థాయి నీటిమట్టానికి చేరుకునే అవకాశం ఉంది.

ప్రాజెక్టు గేట్లు ఎత్తే పరిస్థితి ఉన్న నేపథ్యంలో మూసీనది పరివాహక ప్రాంతాల్లోని 100 కుటుంబాలను అధికారులు ఇతర ప్రాంతాలకు తరలించారు.