చంద్రాయణగుట్టలో పలు కాలనీల్లోకి మళ్లీ చేరిన వర్షపు నీరు

భాగ్యనగరంలో శనివారం కురిసిన వర్షానికి చంద్రాయణగుట్ట నియోజకవర్గంలోని పలు కాలనీల్లోకి భారీగా వరద నీరు చేరింది. ఈ మేరకు ఆయా ప్రాంతాల్లో గ్రౌండ్​ ఫ్లోర్​లో ఉన్నవారు.. మొదట్ ఫ్లోర్​లోకి వెళ్లాలని స్థానిక కార్పొరేటర్​ ప్రజలను హెచ్చరించారు.

హైదరాబాద్​ పాతబస్తీ చంద్రాయణగుట్ట నియోజకవర్గంలోని బాబానగర్​, అల్​ జుబైల్​ కాలనీ, గాజి మిల్లట్​ కాలనీలల్లో వరద నీరు భారీగా చేరింది. నగర శివారు బాలాపూర్​ చెరువు నుంచి వరద ప్రవాహం బాబానగర్​కు చేరుకోవడం వల్ల ఇళ్లలోకి నీరు చేరుకున్నాయి, వీధుల్లో వాహనాలు కొట్టుకుపోయాయి.ఆ ప్రాంతంలో గ్రౌండ్​ ఫ్లోర్​లో ఉన్న వారిని మొదటి ఫ్లోర్​కు వెళ్లాలని కార్పొరేటర్​ నీటితో తిరుగుతూ హెచ్చరించారు.

గత కొద్ది రోజుల క్రితం భారీ వర్షాల వల్ల వచ్చిన వరదల నుంచి కోలుకోకముందే మళ్లీ కాలనీలు జలదిగ్బంధంలోకి వెళ్లడం వల్ల ప్రజలు తీవ్ర ఇబ్బందులు ఎదుర్కొంటున్నారు. వర్షం ధాటికి కాలనీకి ఆనుకుని ఉన్న ఫలక్​నుమా ఓవర్​ బ్రిడ్జిపై ఏర్పడిన ఆరు ఫీట్ల గుంత పడింది. వీటికి వీలైనంత త్వరగా మరమ్మతులు చేపట్టాలని కాలనీవాసులు అధికారులను కోరుతున్నారు.

ఇదీ చదవండిఃవరదతో ట్రాఫిక్​ జామ్​.. ఈత కొట్టుకుంటూ వెళ్లిన వ్యక్తి..