అనిశా కోర్టులో బెయిల్​ పిటిషన్​ దాఖలు చేసిన ఉదయ్​సింహ

ఓటుకు నోటు కేసులో అరెస్టయిన నిందితుడు ఉదయ్‌సింహ.. అనిశా కోర్టులో బెయిల్‌ పిటిషన్‌ దాఖలు చేశారు. దీనిపై కౌంటర్‌ దాఖలు చేయాలని న్యాయస్థానం ఏసీబీ అధికారులను ఆదేశించింది.

ఓటుకు నోటు కేసులో అరెస్టయిన ఉదయ్​సింహ బెయిల్​ కోసం అనిశా కోర్టులో పిటిషన్​ దాఖలు చేశారు. దీనిపై విచారణ చేపట్టిన న్యాయస్థానం విచారణను శుక్రవారానికి వాయిదా వేసింది. ఈ కేసులో నిందితుడు ఉదయ్‌సింహ విచారణకు గైర్హాజరు కావడం వల్ల... అనిశా కోర్టు మూడు రోజుల క్రితం నాన్‌బెయిలబుల్‌ వారెంట్‌ జారీ చేసింది.

కోర్టు ఉత్తర్వులపై ఏసీబీ అధికారులు ఉదయ్​ సింహను బుధవారం అరెస్టు చేసి కోర్టులో హాజరుపరచగా... నిందితుడికి ఈ నెల 22 వరకు రిమాండ్‌ విధించింది. అధికారులు నిందితుడిని చంచల్‌గూడ జైలుకు తరలించారు.

ఇదీ చూడండి:ప్రజల సమాచారం ప్రభుత్వం సేకరిస్తే అంగీకరించం: హైకోర్టు​