'సింహాల్లా గర్జించాల్సిన యువత సెల్​ఫోన్​తో తప్పుదోవ పడుతుంది'

స్వామీ వివేకానంద బోధనలు నేటి తరానికి ఆదర్శనీయమని మాజీ గవర్నర్​ విద్యాసాగర్​రావు అన్నారు. హైదరాబాద్ దోమలగూడ రామకృష్ణ మఠంలో స్వామి వివేకానంద జయంతి వేడుకలకు ఆయన ముఖ్య అతిథిగా హాజరయ్యారు.

సమాజంలో యువత తమ వ్యక్తిత్వాన్ని పరిరక్షించుకోవడంతో పాటు దుష్టశక్తుల నుంచి అప్రమత్తంగా ఉండాలని మహారాష్ట్ర మాజీ గవర్నర్ విద్యాసాగర్ రావు సూచించారు. హైదరాబాద్ దోమలగూడలోని రామకృష్ణ మఠంలో స్వామి వివేకానంద జయంతి వేడుకలకు ఆయన ముఖ్య అతిథిగా హాజరయ్యారు.

స్వామి వివేకానంద హైదరాబాద్​కు వచ్చిన విశేషాల ప్రత్యేక డాక్యుమెంటరీ సంచికను విద్యాసాగర్​ రావు ఆవిష్కరించారు. యువత వ్యక్తిత్వం విషయంలో తమదైన శైలిని నిరూపించుకుని అన్ని రంగాల్లో ఎదగాలని ఆయన పేర్కొన్నారు. సింహాల్లా గర్జించాల్సిన యువత స్మార్ట్​ ఫోన్​లను పట్టుకుని తప్పుదోవ పడుతున్నదని ఆయన అన్నారు.

స్వామి వివేకానంద బోధనలు నేటి తరానికి ఆదర్శనీయమని.. స్వామి వివేకానంద చూపిన మార్గంలో యువత ముందుకు సాగాలని ఆయన పిలుపునిచ్చారు.

ఇవీ చూడండి : వింటే నామినేటెడ్ పదవులు.. లేకుంటే వేటే!