విశాఖ డెయిరీ బంపర్ ఆఫర్... రైతులకు రూ.35 కోట్ల బోనస్

విశాఖ డెయిరీ పాడి రైతులకు రూ. 35 కోట్ల సంక్రాంతి బోనస్ ప్రకటించింది. రైతులను ఆదుకోవడం కోసం ఈ భారీ మొత్తాన్ని బోనస్​గా ఇస్తున్నామని విశాఖ డైరీ వైస్ ఛైర్మన్ ఆడారి ఆనంద్ కుమార్ చెప్పారు. రైతులు డెయిరీకి అందించే గేదె పాలకు లీటర్​కి రెండు రూపాయల ధర పెంచుతున్నామని ప్రకటించారు.

పాడి రైతులకు బోనస్ అందజేత

విశాఖ డెయిరీ సంక్రాంతి బోనస్​గా పాడి రైతులకు 35 కోట్ల రూపాయలు ప్రకటించింది. డెయిరీ పరిధిలోని 5 జిల్లాల్లో పాలు సరఫరా చేసే రైతులకు ఈ సొమ్ముపంపిణీ చేసింది. డెయిరీ పరిధిలో లక్షా 40 వేల మంది రైతులు నుంచి లక్షల లీటర్ల పాలు సేకరిస్తున్నారు.

పాడి రైతులను ఆదుకోవడం కోసం భారీ మొత్తాన్ని బోనస్​గా ఇచ్చామని విశాఖ డెయిరీ వైస్ ఛైర్మన్ ఆడారి ఆనంద్ కుమార్ చెప్పారు. ఎలమంచిలి పాడి రైతులకు చెక్కుల పంపిణీతో కార్యక్రమాన్ని ఆరంభించారు.

గేదె పాలకు లీటర్​కి రెండు రూపాయల ధర పెంచుతున్నట్టు విశాఖ డెయిరీ ప్రకటించింది. రైతుల సంక్షేమం కోసం ఎన్నో పథకాలు అమలు చేస్తున్నామని వెల్లడించారు. ప్రతి పాడి రైతుకి సంక్రాంతి పురస్కరించుకుని స్టీల్ గిన్నెలు ఉచితంగా అందించారు.

ఇదీ చదవండి:'గల్వాన్​లో బుద్ధి చెప్పాం.. ఇంకా సహనాన్ని పరీక్షించొద్దు'