పారిశుద్ధ్య కార్మికులను సన్మానించిన విజయశాంతి

నాంపల్లిలోని భాజపా రాష్ట్ర కార్యాలయంలో నిర్వహించిన మహిళా దినోత్సవ వేడుకల్లో ఆ పార్టీ నాయకురాలు విజయశాంతి పాల్గొన్నారు. జీహెచ్ఎంసీ మహిళా పారిశుద్ధ్య కార్మికులను ఘనంగా సన్మానించి.. వారితో సరదాగా గడిపారు.

హైదరాబాద్ నాంపల్లిలోని భాజపా రాష్ట్ర కార్యాలయంలో... అంతర్జాతీయ మహిళా దినోత్సవ వేడుకలు ఘనంగా జరిగాయి. భాజపా మహిళా మోర్చా అధ్యక్షురాలు గీతా మూర్తి ఆధ్వర్యంలో జరిగిన ఈ వేడుకల్లో ఆ పార్టీ నాయకురాలు, మాజీ ఎంపీ విజయశాంతి పాల్గొన్నారు.

లాక్‌డౌన్ సమయంలో విశేష సేవలందించిన జీహెచ్ఎంసీ మహిళా పారిశుద్ధ్య కార్మికులతో విజయశాంతి సరదాగా గడిపారు. వారిని ఘనంగా సన్మానించారు. ఈ సందర్భంగా వారితో ఫొటోలు దిగి ముచ్చటించారు. కరోనా కష్టకాలంలో పడిన ఇబ్బందులను... విధి నిర్వహణలో ఎదురవుతున్న సమస్యలను తెలుసుకున్నారు.

కార్మికురాలితో ముచ్చటిస్తున్న విజయశాంతి

ఇదీ చూడండి:చట్టసభల్లో మహిళల ప్రాతినిథ్యం పెరగాలి: తలసాని