పబ్లిసిటీ కోసమే భాగ్యలక్ష్మి ఆలయ సందర్శనలు: వీహెచ్​

పబ్లిసిటీ కోసమే భాజపా నాయకులు చార్మినార్​ భాగ్యలక్ష్మి దేవాలయాన్ని సందర్శిస్తున్నారని కాంగ్రెస్​ సీనియర్​ నేత వీహెచ్​ విమర్శించారు. దేవాలయ భూముల కబ్జాలకు పాల్పడే వారిపై కఠిన చర్యలు తీసుకోవాలని డిమాండ్​ చేశారు.

పాతబస్తీ ఉప్పుగూడ కాళికా మాత దేవాలయ భూములను కాంగ్రెస్ సీనియర్ నేత వి. హనుమంతరావు సందర్శించారు. పార్టీ నేతలతో కలిసి భూములను పరిశీలించారు.

ఈ సందర్భంగా కాళికా మాత దేవాదాయ శాఖకు సంబంధించిన స్థలాల కబ్జాకు పాల్పడిన శేరి నర్సింహారెడ్డి భాజపా నాయకుడా.. కాదా బండి సంజయ్​ చెప్పాలని హనుమంతరావు పేర్కొన్నారు. కబ్జాదారులపై కఠిన చర్యలు తీసుకోవాలని డిమాండ్​ చేశారు. పబ్లిసిటీ కోసమే భాజపా నాయకులు చార్మినార్ భాగ్యలక్ష్మి దేవాలయాన్ని సందర్శిస్తున్నారని విమర్శించారు.