సైబరాబాద్ కమిషనరేట్‌ పరిధిలో గత ఏడాది తీవ్ర ప్రమాదాలు 663 జరిగితే 700 మంది చనిపోయారు. వీరిలో హెల్మెట్‌ లేకుండా ద్విచక్ర వాహనదారులపై ప్రయాణిస్తున్న వారే 400 మంది ఉన్నారు. శిరస్త్రాణం ధరించి ఉంటే వీరిలో 300 మంది బతికి బట్టకట్టేవారని తమ పరిశీలనలో తేలిందని సైబరాబాద్ ట్రాఫిక్‌ విభాగం డీసీపీ విజయకుమార్‌ ‘ఈనాడు’కు తెలిపారు. ఈ ప్రమాదాలన్నీ చాలా వరకు జాతీయ రహదారులపైనే జరిగినట్లు గుర్తించారు. ఈ నేపథ్యంలో కొన్నాళ్లుగా సైబరాబాద్ కమిషనరేట్‌ పరిధిలో హెల్మెట్ల విషయంలో కఠినంగా వ్యవహరిస్తున్నారు. లేనివారికి చలానా రాస్తున్నారు. వేలాది మంది చలానాలను చెల్లించకుండా నిర్లక్ష్యంగా తిరుగుతున్నారు. ఈ నేపథ్యంలో శిరస్త్రాణం లేని వారి విషయంలో మరింత కఠినంగా వ్యవహరించాలని సైబరాబాద్ పోలీసు కమిషనర్‌ వీసీ సజ్జనార్‌ నిర్ణయించి, అమల్లోకి తీసుకొచ్చారు.
సైబరాబాద్ పరిధిలో ఈ మార్గాల్లో...
- రాజీవ్‌ రహదారి...
- షాద్‌నగర్‌- రాజేంద్రనగర్‌
- సుచిత్రా- మెదక్‌ కమిషనరేట్‌ పరిధి వరకు
- మూసాపేట్‌- ఇక్రిశాట్‌
- కడ్తాల్‌- ఆమనగల్లు మధ్య
తొలుత ఇబ్బందైనా.. తరవాత అలవాటవుతుంది