తెలంగాణలో అన్ని వర్గాలను తెరాస మోసం చేసిందని పీసీసీ అధ్యక్షుడు ఉత్తమ్‌కుమార్ రెడ్డి ధ్వజమెత్తారు. భాజపా మతం పేరుతో రాజకీయం చేయడం తప్ప నిరుద్యోగులను పట్టించుకోలేదని ఆరోపించారు. పట్టభద్రుల ఎమ్మెల్సీ ఎన్నికల్లో అనుసరించాల్సిన వ్యూహాలపై పార్టీ నాయకులతో సమావేశమయ్యారు. ఈ సమావేశంలో మండలి కాంగ్రెస్ అభ్యర్థులు రాములు నాయక్, చిన్నారెడ్డి పాల్గొన్నారు.
పక్కా ప్రణాళికతో ప్రచారం: ఉత్తమ్ కుమార్ రెడ్డి
పట్టభద్రుల ఎమ్మెల్సీ ఎన్నికల్లో పక్కా ప్రణాళికతో ప్రచారం నిర్వహిస్తామని పీసీసీ అధ్యక్షుడు ఉత్తమ్ కుమార్ రెడ్డి అన్నారు. ఈ ఎన్నికలకు సంబంధించి గాంధీభవన్లో పార్టీ నాయకులతో సమావేశమయ్యారు.
పక్కా ప్రణాళికతో ప్రచారం: ఉత్తమ్ కుమార్ రెడ్డి
ఎమ్మెల్సీ ఎన్నికల్లో పకడ్బందీ వ్యూహంతో ప్రచారం నిర్వహించాలన్నారు. సోషల్ మీడియాలో ప్రచారాలు విస్తృతంగా ఉండాలన్నారు. ఈ ఎన్నికల్లో తెరాస, భాజపాకు బుద్ధి చెబితేనే ఉద్యోగాలు వస్తాయన్నారు. సామాజిక న్యాయం ప్రాతిపాదికగా రాములు నాయక్‌కు పార్టీ టికెట్‌ ఇచ్చిందని పేర్కొన్నారు. కాంగ్రెస్ నాయకులు అందరూ కలిసికట్టుగా పనిచేయాలని సూచించారు.