'పోలీసులు పట్టించుకోవడం లేదు... మీరైన పట్టించుకోండి సారూ'

వృద్ధాప్యంలో తోడుగా ఉండాల్సిన కొడుకు కనిపించకుండా పోయాడు. దిక్కుతోచని స్థితిలో ఆ తండ్రి పోలీస్​ స్టేషన్​లో ఫిర్యాదు చేశాడు. 18 రోజులు గడుస్తున్నా... ఏలాంటి సమాచారం లేదని ఓ తండ్రి హెచ్​ఆర్సీని ఆదేశించారు.

కన్న కొడుకు కనిపించకుండా పోయాడని... పోలీస్​ స్టేషన్​కు వెళ్తే... పట్టించుకోవడం లేదంటూ తల్లిదండ్రులు రాష్ట్ర మానవ హక్కుల కమిషన్​ను ఆశ్రయించారు. హైదరాబాద్ ఉప్పల్​ చిలకనగర్​కు చెందిన బొంత యాదయ్య... తన కొడుకు సాయికిరణ్​ డ్రైవర్​గా విధులు నిర్వహిస్తున్నట్లు తెలిపారు.

ఈనెల 7న ఇంటి నుంచి బయటకు వెళ్లి వస్తానని చెప్పి... వెళ్లిన తమ కొడుకు ఇప్పటివరకు ఆచూకీ లభ్యం కాలేదని ఆవేదన వ్యక్తం చేశారు. అతని స్నేహితులు, తెలిసిన వారిని అడిగిన ప్రయోజనం లేకపోవడం వల్ల ఉప్పల్​ పోలీసులకు ఫిర్యాదు చేసినట్లు చెప్పారు.

కుమారుడు అదృశ్యమై 18 రోజులు గడుస్తున్నా... ఏ సమాచారం లభించలేదని ప్రతిరోజు పోలీస్​ స్టేషన్​కు వెళ్తుంటే... నిర్లక్ష్యంగా సమాధానమిస్తున్నారని పేర్కొన్నారు. ఈ వృద్ధాప్యంలో తమకు అండగా ఉండాల్సిన ఒక్కగానొక్క కొడుకు దూరమయ్యాడని కన్నీరు పెట్టుకున్నారు. ఇటీవల అతనికి వివాహం కూడా అయిందని తమ కుమారుడి ఆచూకీ కనుక్కునే విధంగా పోలీసులకు ఆదేశాలు ఇవ్వాలని వారు హెచ్​ఆర్సీ ఛైర్మన్​ను వేడుకున్నారు.

ఇదీ చూడండి:దిల్లీ ఘర్షణల్లో 18కి చేరిన మృతుల సంఖ్య