రెండు ఆర్టీసీ బస్సులు ఢీ.. వణికిన ప్రయాణికులు

ఆర్టీసీ కార్మికులు సమ్మెలో ఉండటం వల్ల తాత్కాలిక డ్రైవర్లతో ప్రయాణికులకు కష్టాలు తప్పడం లేదు. వారి అవస్థలు వర్ణనాతీతం. నగరంలో మలక్​పేట వద్ద బస్టాప్​లో ఆగి ఉన్న బస్సును మరో ఆర్టీసీ బస్సు ఢీ కొట్టింది. ఈ ఘటనలో ప్రయాణికులకు స్వల్పగాయలయ్యాయి.

హైదరాబాద్ మలక్‌పేట దిల్‌సుక్‌నగర్ ప్రధాన రహదారిపై తృటిలో పెద్ద ప్రమాదం తప్పింది. బస్టాప్‌లో ఆగి ఉన్న బస్సును మరో ఆర్టీసీ బస్సు ఢీకొట్టింది. ఈ ప్రమాదంలో ప్రయాణికులు స్వల్ప గాయాలతో ప్రాణాలతో బయటపడ్డారు.

పోలీసులు ఘటనా స్థలానికి చేరుకుని దర్యాప్తు చేస్తున్నారు. తాత్కాలిక డ్రైవర్ నిర్లక్ష్యం వల్లే ఈ ప్రమాదం జరిగిందని ప్రయాణికులు తెలిపారు. వెనుక నుంచి వేగంగా వచ్చిన బస్సు అదుపు తప్పి ముందున్న బస్సును ఢీకొట్టిందని ప్రయాణికులు పేర్కొన్నారు.

ఇవీ చూడండి: ఆర్టీసీ ఐకాస భేటీ... భవిష్యత్ కార్యాచరణపై చర్చ