జాతీయ పురస్కారాలందుకున్న ఇద్దరు తెలంగాణ ఉపాధ్యాయులు

ఉపాధ్యాయుల జాతీయ ఐసీటీ అవార్డులు-2017కి గానూ తెలంగాణ నుంచి ఇద్దరు టీచర్లు ఎంపికయ్యారు.  దిల్లీలోని అంబేద్కర్ ఇంటర్నేషన్ సెంటర్​లో జరిగిన కార్యక్రమంలో కేంద్రమంత్రి సంజయ్ ధోత్రే చేతుల మీదుగా హైదరాబాద్​కు చెందిన ఉమారాణి, గజ్వేల్​కు చెందిన దేవనపల్లి నాగరాజు జాతీయ పురస్కారాలు అందుకున్నారు.

పాఠశాల విద్యా బోధనలో సాంకేతిక సమాచారంతో డిజిటలైజేషన్​లో విశిష్ఠ ప్రతిభ చూపుతున్న ఉపాధ్యాయులను కేంద్ర మానవ వనరుల అభివృద్ధి శాఖ జాతీయ పురస్కారాలతో సత్కరించింది. ఉపాధ్యాయుల జాతీయ ఐసీటీ అవార్డులు- 2017కి గానూ తెలంగాణ నుంచి ఇద్దరు టీచర్లు ఎంపికయ్యారు. దిల్లీలోని అంబేద్కర్ ఇంటర్నేషన్ సెంటర్​లో జరిగిన కార్యక్రమంలో కేంద్ర మానవ వనరుల అభివృద్ధి శాఖ సహాయమంత్రి సంజయ్ ధోత్రే చేతుల మీదుగా హైదరాబాద్​కు చెందిన ఉమారాణి, గజ్వేల్​కు చెందిన దేవనపల్లి నాగరాజు జాతీయ పురస్కారాలు అందుకున్నారు. దేశంలో మొత్తం 43 మంది అవార్డులకు ఎంపిక కాగా.. అందులో తెలంగాణ నుంచి ఇద్దరు, ఆంధ్రప్రదేశ్ నుంచి ఒకరు ఉన్నారు.

ఉమారాణి హైదరాబాద్​లోని లాలాగూడలోని ప్రాథమిక పాఠశాలలో విద్యార్థులకు స్మార్ట్ ఫోన్ వినియోగంతో డిజిటల్ బోధనాభ్యాసం చేస్తున్నారు. గజ్వేల్​ పాఠశాలలో విధులు నిర్వహిస్తోన్న నాగరాజు... సాంకేతిక సహకారంతో విద్యాబోధన చేస్తూ... ఇతర ఉపాధ్యాయులకు కూడా డిజిటల్ బోధనపై అవగాహన కల్పిస్తున్నారు. సాంకేతిక పరిజ్ఞానంతో విద్యార్థులకు బోధన చేస్తేనే నేటితరంతో పోటీపడగలరని ఉపాధ్యాయులు చెబుతున్నారు.

ఇదీ చూడండి: హేమంత్‌ సోరెన్‌కు కేసీఆర్‌,కేటీఆర్ శుభాకాంక్షలు