ఏపీలో నలుగురు కొవిడ్​ రోగులు మృతి..

ఆక్సిజన్ కొరత ఏపీని పట్టిపీడిస్తోంది. కర్నూలులోని కేఎస్ కేర్ ఆస్పత్రిలో నలుగురు కరోనా రోగులు మృతి చెందారు. ప్రాణవాయువు లేకనే వారు మరణించారని బంధువులు ఆరోపిస్తున్నారు.

ఏపీలోని ఆస్పత్రులను ఆక్సిజన్​ కొరత వెంటాడుతూనే ఉంది. తాజాగా కర్నూలులోని కేఎస్‌ కేర్ ఆస్పత్రిలో నలుగురు కొవిడ్‌ రోగులు మృతి చెందారు. వారు ఆక్సిజన్​ అందకనే మరణించారని బంధువులు ఆరోపిస్తున్నారు. మరోవైపు ఆక్సిజన్‌ లేదని ఆందోళనతో ఇతర రోగులు.. వేరే ఆస్పత్రులకు వెళ్తున్నారు.

ఈ ఘటనపై స్పందించిన కలెక్టర్ వీర పాండియన్... నలుగురు రోగులు చనిపోయినట్లు తమ దృష్టికి వచ్చిందని తెలిపారు. ఆక్సిజన్‌ అందకనే వారు చనిపోయారని, అనుమతి లేకుండానే కొవిడ్‌ చికిత్సలు చేస్తున్న వారిపై చర్యలు తీసుకుంటామని వెల్లడించారు. ఈ ఘటనపై విచారణ చేయాలన్న కలెక్టర్ ఆదేశాలతో ఆస్పత్రిలో డీఎంహెచ్‌వో విచారణ చేపట్టారు.

ఇదీ చదవండి :ఆక్సిజన్​ కొరతతో 8 మంది కరోనా రోగులు మృతి