రవిప్రకాశ్‌ బెయిల్ పిటిషన్ వాయిదా

నిధుల దుర్వినియోగం కేసులో అరెస్టయిన టీవీ9 మాజీ సీఈవో రవిప్రకాశ్‌ కస్టడీ పిటిషన్​పై మరోమారు కూకట్​పల్లి కోర్టులో విచారణ జరిగింది. రవిప్రకాశ్‌ తరఫు న్యాయవాదులు బెయిల్‌ పిటిషన్‌ దాఖలు చేయటం వల్ల విచారణను కోర్టు శుక్రవారానికి వాయిదా వేసింది.

హైదరాబాద్‌ కూకట్‌పల్లి కోర్టులో రవిప్రకాశ్ కస్టడీ పిటిషన్​పై ఇవాళ మరోమారు విచారణ జరిగింది. ఐ ల్యాబ్ కేసులో ఇప్పటికే హైకోర్టు స్టే విధించిందని కోర్టుకు రవిప్రకాష్ తరఫు న్యాయవాది వెల్లడించారు. నకిలీ ధ్రువపత్రాల కేసు విషయంలో స్టే ఉన్న కారణంగా తాము కస్టడీ పిటిషన్​పై విచారణ చెయలేమని కోర్టు తేల్చి చెప్పింది. ఆయన తరఫు న్యాయవాదులు వేసిన బెయిల్ పిటిషన్​పై వాదనలను కూకట్‌పల్లి కోర్టు శుక్రవారానికి వాయిదా వేసింది.

ఇవీ చూడండి : అద్దె బస్సుల కోసం పదివేల టెండర్లు