చేనేత కార్మికుల అభివృద్ధి కోసం కేంద్ర, రాష్ట్ర ప్రభుత్వాలు ప్రత్యేక కార్యచరణ కమిటీ ఏర్పాటు చేయాలని తెతెదేపా రాష్ట్ర అధ్యక్షుడు రమణ డిమాండ్ చేశారు. జాతీయ నేతన్నల ఐక్య కార్యాచరణ కమిటీ ఆధ్వర్యంలో హైదరాబాద్‌ సోమాజిగూడలోని ప్రెస్‌క్లబ్‌లో రాజకీయ పార్టీల, ప్రజా సంఘాల సమావేశం ఏర్పాటు చేశారు.
చేనేత వృత్తి అస్తిత్వ పోరాటం, ఆర్థిక స్వావలంబనకై ఆరాటం, కబలిస్తున్న కార్పొరేట్‌ శక్తులు, మరుగున పడుతున్న చట్టాలు తదితర అంశాలపై రౌండ్‌ టేబుల్‌ సమావేశంలో చర్చించారు. జాతీయ నేతన్నల ఐక్య కార్యాచరణ కమిటీ ఆధ్వర్యంలో డిసెంబర్‌ 9న నిర్వహించే నేతన్నల సమరనాథం-ఛలో దిల్లీ కార్యక్రమానికి తమవంతు సహకారం అందిస్తామని నేతలు హామీ ఇచ్చారు.