ఏకాంతంగా తిరుచానూరు పద్మావతి అమ్మవారి బ్రహ్మోత్సవాలు

తిరుచానూరు అమ్మవారి బ్రహ్మోత్సవాలకు భక్తులను అనుమతించబోమని తితిదే స్పష్టం చేసింది. వాహన సేవలను ఎస్వీబీసీ ద్వారా ప్రత్యక్ష ప్రసారం చేయనున్నట్లు జేఈవో బసంత్​కుమార్ ప్రకటించారు. కరోనా వ్యాప్తి నేపథ్యంలో భక్తుల ఆరోగ్యాన్ని దృష్టిలో పెట్టుకుని.. ఈ నిర్ణయం తీసుకున్నట్లు వెల్లడించారు.

తిరుచానూరు శ్రీ పద్మావతి అమ్మవారి బ్రహ్మోత్సవాలను ఏకాంతంగా నిర్వహించాలని తితిదే నిర్ణయించింది. నవంబర్ 11 నుంచి 19 రోజులు జరుగనున్న ఉత్సవాల ఏర్పాట్లపై ఆస్థాన మండపంలో జేఈవో బసంత్​కుమార్ సమీక్ష చేపట్టారు. కరోనా వ్యాప్తి దృష్ట్యా భక్తులు లేకుండానే.. పంచమి తీర్థం నిర్వహించాలని తీర్మానించినట్లు తెలిపారు.

అమ్మవారి వాహన సేవలను ఎస్వీబీసీ ద్వారా ప్రత్యక్ష ప్రసారం చేయనున్నట్లు ఆయన ప్రకటించారు. ఆగమ సలహాదారులు, జీయ్యంగార్ల ప్రతినిధులు, అధికారులతో చర్చించిన తర్వాతే ఈ నిర్ణయం తీసుకున్నామని వెల్లడించారు.

ఏకాంతంగా తిరుచానూరు పద్మావతి అమ్మవారి బ్రహ్మోత్సవాలు

ఏపీ ప్రభుత్వం జారీచేసిన కొవిడ్-19 మార్గదర్శకాలను ఉద్యోగులు తప్పకుండా పాటించాలని జేఈవో సూచించారు. ఉద్యాన, విద్యుత్ విభాగాల అధికారులు.. ఆలయ ఆవరణలోనే అలంకరణ చేపట్టాలని స్పష్టం చేశారు. పారిశుద్ధ్య నిర్వహణలో ఎటువంటి ఇబ్బందులు తలెత్తకుండా.. సిబ్బంది తగిన జాగ్రత్తలు తీసుకోవాలని ఆదేశించారు.

• ఇవీచూడండి:కరోనా బాధితుల్లో విటమిన్-డి లోపం!