'హనుమంతుడి జన్మస్థలం సప్తగిరుల్లోని అంజనాద్రి పర్వతమే'

హనుమంతుని జన్మస్థలం అంశంపై తితిదే ఈవో మాట్లాడారు. వారు సేకరించిన ఆధారాలను త్వరలోనే ప్రజల ముందు ఉంచుతామని తెలిపారు. దీనిపై పూర్తిస్థాయిలో చర్చ అవసరమని జవహర్​ రెడ్డి అన్నారు.

సప్తగిరుల్లోని అంజనాద్రి పర్వతమే హనుమంతుడి జన్మస్థలమని.. బలమైన ఆధారాలు సేకరించినట్లు తిరుమల తిరుపతి దేవస్థానం ఈవో జవహర్‌రెడ్డి తెలిపారు. తిరుమల తిరుపతి పండితులచే ఏర్పాటు చేసిన కమిటీ దానిని ధృవీకరించడానికి అవసరమైన అన్ని ఆధారాలు సేకరించినట్లు వెల్లడించారు. ఈ ఆధారాలను ప్రజల ముందు ఉంచుతామన్న ఈవో.. ఇప్పటివరకు ఏ రాష్ట్రమూ హనుమంతుడి జన్మస్థలాన్ని ధృవీకరించలేదన్నారు.

ఇతర రాష్ట్రాలు కూడా ఆధారాలు ఉంటే బయటపెట్టవచ్చన్న ఈవో.. నివేదికను ప్రజల ముందుంచి అభిప్రాయాలు సేకరించనున్నట్లు తెలిపారు. దీనిపై క్షేత్రస్థాయిలో చర్చ జరగాలని ఆయన అభిప్రాయపడ్డారు.

ఇవీ చదవండి:రాగల మూడ్రోజులు తేలికపాటి నుంచి మోస్తరు వర్షాలు..!